Sunday, 24 September 2017 | Login
የእግዚአብሔር ክብር

የእግዚአብሔር ክብር

“ያን መልክ እንመስል ዘንድ ከክብር ወደክብር እንለወጣለን” 1ኛ ቆሮ 3:18 

“And all of us, as with unveiled face, [because we] continued to behold in the word of God] as in a mirror the glory of the Lord, are constantly being transfigured into His very own image in ever increasing splendor and from one degree of glory to another; [for this comes] from the Lord [who is] the Spirit.” 2nd Cor 3:18

ክብር (Glory)

የአንድን ነገር ፍጽምና (perfection) የሚያሳይ ሲሆን ለምሳሌ የውበትን ፍጽምና (beauty) ፣ የእውቀትን ፍጽምና (knowledge) ፣ የጥበብን ፍጽምና (wisdom) ፣ የክብርን ፍጽምና (splendor) ፣ የስልጣንን ፍጽምና (authority) ወዘተ ያመለክታል፡፡ ውበት ካልን የውበት መደምደሚያን፣ እውቀት ካልን የእውቀት መደምደሚያን እንደማለት ነው፡፡

የእግዚአብሔር ክብር (The Glory of God)

የእግዚአብሔር ክብር ራሱ እግዚአብሄር ነው፡፡ (All God is All God Has) በሰው ቋንቋ ለመግለጽ አይቻልም፡፡ የሀሳብ ቅንብር …..የቃላት ሰልፍ ዋጋ የላቸውም፡፡ ሀሳብ ….ዳርቻ ቃልም ገደብ (limitation) አለው፡፡ ያልተፈጠረ ፈጣሪ (uncreated creator) በተፈጠረ (created) ነገር አይገለጽም፡፡ በርግጥ በፍጥረት ውስጥ የእግዚአብሔርን ጥበብ ማየት ቢቻልም የጥበቡን ልክ (height) ግን መለካት አይቻልም፡፡ እሱ ከሁሉ የላቀ (the most high God) ነው፡፡ እራሱን ካልገለጠ ማንም ሊገልጠው፣ ሊተርከው አይችልም፡፡ የእግዚአብሔርን ውበት፣ የእግዚአብሔርን እውቀት፣ የእግዚአብሔርን ግርማ ማን በሙላት መግለጥ ይችላል? እሱ የማይገለጽ (undefined) ፣ የማይወሰን (unlimited) ፣ በጊዜ ውስጥ የሌለ (eternal) አምላክ ነው፡፡ ጅማሬ የለውም ፍጻሜም የለውም፡፡ ይነጻጸርም ዘንድ ንጽጽር የለውም፡፡ እኛ የእግዚአብሔርን ክብር በሙላት እንድናየው ካለመታየት ወደ መታየት፣ ከዘላለም ክልል ወደጊዜ ክልል መምጣት አለበት ወይም እኛ ከጊዜ ክልል ወጥተን ወደ ዘላለም (eternity) ክልል መግባት አለብን፡፡ የሚታዩና የማይታዩ ዓለማት አሉና፡፡

የማይታይ ዓለም (The unseen Realm)

ይህ የማይታይ ዓለም መንፈሳዊ ዓለም ይባላል፡፡ በዚህ ዓለም ውስጥ የእግዚአብሔር መኖርያ ቃሉ ነው፡፡ ቃሉም እግዚአብሔር ነው፡፡ እግዚአብሔር በእግዚአብሔር ውስጥ ይኖራል፡፡ (God: the Father, the Son and the Holy Spirit). በእግዚአብሔር ፊት ከቃሉ ውጪ መቆም የሚችል ነገር የለም፤ ሰማያትና ምድርም በፊቱ መቆም አይችሉም፡፡ በዚህ በማይታይ ዓለም እግዚአብሔር ብቻውን ይኖራል፡፡ ጊዜ (time) ፣ ስፍራ (space) ፣ ርቀት (distance) በዚህ ዓለም አይታወቁም፡፡ ትላንት የለም ነገም የለም ሁሉ ነገር አሁን ነው፡፡ የእግዚአብሔር ሙሉ ክብር (total glory) በዚህ ዓለም ብቻ ይገኛል፡፡ የተፈጠረ ነገር ሁሉ፤ ከዚህ ዓለም በወጣ ቃል ነው የተፈጠረው፡፡ ‹‹ዓለማት በእግዚአብሔር ቃል እንደተዘጋጁ፣ ስለዚህም የሚታየው ነገር ከሚታዩት እንዳልሆነ በእምነት እናስተውላለን፡፡›› ዕብ 11፡3 የምንኖርበትም ዓለም የዚህ የመንፈስ ዓለም ትንሽ መገለጥ ነው፡፡ ‹‹ Universe is the smallest manifestation of the spirit realm.›› Renny Mc Lean

የተገለጠ የእግዚአብሔር ክብር (The Manifested Presence of God)

በተፈጠረ ዓለም ላይ የሚገለጥ የእግዚአብሔር ክብር የተገለጠ የእግዚአብሔር ክብር ይባላል፡፡ በማይታየው ዓለም (spiritual realm) ላይ ያለው ሙሉ ክብር (total glory of God) በጊዜ ክልል (time zone) ውስጥ ሲገባ ይወሰናል (localized) ይሆናል፡፡ ይህንን ውስንነትና ይህንን ድንበር ያመጣው ምንድነው? መልሱ ከእግዚአብሔር ቃል ውጪ የእግዚአብሔርን ሙሉ ክብር (full glory) መሸከም የሚችል ነገር ስለሌለ ነው፡፡

የጠፋው ክብር (The Lost Glory)

‹‹ሁሉ ሀጢያትን ሰርተዋልና የእግዚአብሔርም ክብር ጎድሎአቸዋል፡፡›› ሮሜ 3፡23 …. ይህ የተጻፈው ስለ አዳምና ስለወከለውም የሰው ልጅ በሙሉ ነው፡፡ ከዚህ የምንረዳው በአንድ ወቅት ሰው በእግዚአብሔር ክብር ውስጥ በሙላት ይኖር እንደነበር መንፈሱም ህያው ስለነበር የሚታየውንና የማይታየውን ዓለም ተገናኝቶ ከእግዚአብሔር ጋር በፍጹም ህብረት (harmony) ይኖር እንደነበር ነው፡፡ ሀጢያት ሲሰራ ግን ከእግዚአብሔር ክብር ጎደለ፤ መንፈሳዊ ሞትንም ሞተ፡፡ … እንግዲህ ከዚያች ቀን አንስቶ ሰውና ክብር ተለያዩ፡፡ የእግዚአብሔር ክብር ማደሪያ አጣ፡፡ ሰውም የእግዚአብሔርን ክብር አጣ፡፡ በሙሴ ዘመን ተራራ ላይ ቢገለጠም ተራራውን አቃጥሎ በደመና፣ በእሳትና በጨለማ ታጅቦ ማደሪያ ስለሌለው ተመልሶ ወደማይታየው ዓለም ይገባ ነበር፡፡ ሙሴም ምንም እንኳ በናፍቆት ‹‹እባክህ ክብርህን አሳየኝ›› እያለ ቢለምንም ‹‹አታየኝም›› ብሎ የእግዚአብሄር ክብር ይደበቅ ነበር፡፡ አዳም በሀጢያት ከወደቀ ቀን ጀምሮ የእግዚአብሔርን ክብር የሰው ልጅ በሙሉ በናፍቆት ሲጠብቅ ኖሯል፡፡

የእግዚአብሔር ሙሉ ክብር (Total Glory of God)

የእግዚአብሔር ሙሉ ክብር ስንል የእውቀቱን….፣ የጥበቡን…..፣ የግርማውን… ጥግ እያወራን ነው፡፡ እግዚአብሔር ደግሞ ጥግ የለውም፡፡ ስለዚህ ይህን ለመረዳት ከእግዚአብሔር ዓለም (spirit realm) የወጣ ከእግዚአብሔር ጋር የነበረ ክብሩንም ያየ፣ የተካፈለ ተራኪ ያስፈልገናል፡፡ ‹‹መቼም ቢሆን እግዚአብሔርን ያየው አንድስ እንኳ የለም፡፡ በአባቱ እቅፍ ያለ አንድ ልጁ እርሱ ተረከው፡፡›› ዮሐ 1፡8 እርሱ በአባቱ ዘንድ ነበር ‹‹ በመጀመርያ ቃል ነበር፣ ቃልም በእግዚአብሔር ዘንድ ነበር፣ ቃልም እግዚአብሔር ነበር፡፡›› ዮሐ 1፡1 ‹‹…በእርሱ የመለኮት ሙላት በሰውነት ተገልጦ ይኖራልና፡፡›› ቆላ 2፡9 በአባቱ እቅፍ የነበረው… ቃል የነበረው … የመለኮት ሙላት የተሞላው… ኢየሱስ ክርስቶስ ነው፡፡

የማይታይ አምላክ ምሳሌ (The Image of the Invisible God)

‹‹…..እርሱም የማይታይ አምላክ ምሳሌ ነው፡፡›› ቆላ 1፡15 ኢየሱስ የማይታይ አምላክ ምሳሌ ነው፡፡ የማይታይ የሚለው ለሰው ያልተገለጠውን የአብ ክብር የሚያሳይ ነው፡፡ እሱ የዚህ ክብር ነጸብራቅ (express image) ነው፡፡ ‹‹እርሱም የክብሩ መንጸባረቅና የባህርይው ምሳሌ ሆኖ…›› ዕብ 1፡3 ይላል፡፡ ስለዚህ ኢየሱስ የእግዚአብሔር ክብር ነጸብራቅ የባህሪው ትክክለኛ ምሳሌ ነው፡፡ ኢየሱስ ወደ ተራራ በወጣ ጊዜ የፊቱ መልክ እንደተለወጠ ከገናናው ክብር ‹‹ የምወደው ልጄ ይህ ነው እርሱን ስሙት፡፡›› የሚል ድምጽ እንደተሰማ እናውቃለን፡፡ ገናና ክብር የሚባለው የአብ ክብር ሲሆን ያልተሰማ ያልታየ ክብሩ ማለት ነው፡፡ እዚያ ተራራ ላይ ከደመና ውስጥ ገናና ክብር ተሰምቷል የኢየሱስም መልክ ተለውጧል፡፡ ሙሴም ከዘመናት በፊት ‹‹ክብርህን አሳየኝ›› ብሎ የጸለየው ጸሎት ተመልሷል፡፡ ሙሴና የኤልያስም ከሁለቱ ደቀመዛሙርት ጋር የእግዚአብሔርን ክብር ኢየሱስን አይተውታል ሰምተውታልም፡፡

ክርስቶስ በኔ ውስጥ (Christ in Me)

‹‹እርሱም የክብሩ መንጸባረቅና የባህሪው ምሳሌ ሆኖ ፣ ሁሉን በስልጣኑ ቃል እየደገፈ፣ ሀጢያታችንን በራሱ ካነጻ በኋላ በሰማያት በግርማው ቀኝ ተቀመጠ፤›› ዕብ 1፡3 ሰው የእግዚአብሔርን ክብር ከመካፈል በክብሩም ውስጥ ከመኖር (participate) ከማድረግ፣ ማስተናገድ (host) ማድረግ የጀመረው በሀጢያት ምክንያት ነው፡፡ አዳም በሰራው ሀጢያት ተወክለን ሁላችንም ከእግዚአብሔር ክብር ጎድለናል፡፡ ተራራ ላይ ወርዶ አስተናግደነው ተመልሶ ይሄድ ነበር፡፡ በዚያ ክብር ውስጥ ተካፋይ አልነበርንም፡፡ አሁን ግን ኢየሱስ ሀጢያታችንን በደሙ ስላጠበን፣ ከቃሉና ከመንፈሱ ስለተወለደን የእግዚአብሔርን ክብር መካፈል እንችላለን፡፡ ለዚህም ነው የመለኮት ባህርይ ተካፋዮች የተባልነው፡፡ አሁን የመዋጀት ስራ (redemption) ተፈጽሟል፡፡ የኢየሱስ በአብ ቀኝ ሄዶ መቀመጥ ስራው መጠናቀቁን ያሳያል፡፡ አሁን ኢየሱስ በሰራው ስራ ስናምን መንፈሳችን ህያው ይሆናል፤ ዳግም ይወለዳል፤ የዘላለም ህይወት ያገኛል፤ የመለኮት ሙላት በኛ ውስጥ ይኖራል፡፡ እሱ የእግዚአብሔር ክብር… የእግዚአብሔር ጥበብ… የእግዚአብሔር ምስጢር እንደሆነ ሁሉ ለኛም ‹‹…ከእግዚአብሔር ዘንድ ጥበባችን፣ ጽድቃችን፣ ቅድስናችን፣ ቤዛችንም ሆኗል፡፡›› 1ኛ ቆሮ 1፡30

 

 

About Author

82 Responses Found

Leave a comment

Make sure you enter the (*) required information where indicated. HTML code is not allowed.

Our Address

Asmara Road 32 bus terminal, Kotebe Yeka K/Ketema, Woreda 10.

 +251 118 238056
 +251 118 238057
 +251 118 238058
 This email address is being protected from spambots. You need JavaScript enabled to view it.

 

 

Service Time

Regular Programs:

Saturdays: 08:00 am - 07:30 pm

Wednesdays: 5:00 pm - 8:30 pm

and other programs will be here.

Subscribe for update

Give Online

Thank you for your donation.